استقلت من شغلي بعد ما بقيت المربية ببلاش لابن أخت جوزي المصاپ بالشلل ج 1 حكـايات مني السيد

ما بتعرف تقول لا؟
ردت بصوت كله رجا
والله ما كنا هنسيبك ټتأذي.. كنا هنعمل محامين.. بس المهم في الوقت الحالي إن حد تاني غيرنا يكون هو الوصي عشان المحاكم والشرطة والناس دي تبعد عننا شوية لحد ما نسلك نفسنا!
ضحكت بمرارة لدرجة إن آدم اللي كان واقف بعيد بكرسيه خاف من صوت ضحكتي وجه بص لي بعيون مليانة حيرة وخوف.
قربت من آدم، وطوطت على ركبتي قدامه، ومسحت على شعره بحنان.
آدم بصلي وقال بصوت مهزوز
طنط فيروز.. هو أنا عملت حاجة غلط؟ أنا آسف إني فتحت الدرج.. بس لقيت اسمك فافتكرت إن في حاجة تخصك.
حضنته وبوسته في راسه، وقلت
إنت مَعملتش أي حاجة غلط يا آدم.. إنت أذكى وأطهر واحد في العيلة دي كلها.
قمت وقفت قدام سمر، وسحبت الورقة من ايديها قطعتها شرايط قدام عينيها، ورزعتها على المكتب وقلت
الورقة دي باطلة، ولو فكرتوا تعملوا حركة تانية من ورايا، أنا مش هكتفي بقطع الورق.. أنا هبلغ البوليس بتزوير إمضاء، ومش هيهمني عيلة ولا خوّة ولا أصل.
سبتهم وخرجت من الشقة وأنا أعصابي تالفة.
رجعت بيتي، قفلت الباب، وقعدت على الأرض أعيط من قلة الحيلة والغدر اللي شفته من ناس كنت بعتبرهم أهلي.
أحمد جوزي رجع البيت متأخر بالليل. دخل ولقاني قاعدة في الظلمة من غير ما أولع النور.
سألني بقلق مصطنع
مالك يا فيروز؟ قاعدة كده ليه؟
بصيتله نظرة حسيت إنه انكمش فيها، وقبل ما ينطق بكلمة قلتله
إنت كنت عارف بموضوع التوقيع المزور والديون؟
أحمد اتلون وابتلع ريقه بصعوبة وقال بصوت مرتبكة
موضوع إيه.. سمر كلمتك؟ بصي يا فيروز.. العيلة في ورطة.. وإحنا.. إحنا أهل لازم نوقف جنب بعض.
وقفت قدامه وضړبت كف بكف وقلت
توقفوا جنب بعض بالسړقة والتزوير؟ تبيعوني عشان تنقذوا نفسكوا؟ طلقني يا أحمد.
الكلمة طلعت من بوقي كأنها طلقة رصاص في مكان هادي.
أحمد اتخض وقال
طلاق إيه وبنانة إيه! إنتِ اټجننتي؟ عشان شوية مشاكل عائلية تفركشي بيتنا؟
بيتنا؟ أي بيت ده اللي بتقول عليه؟ بيت قايم على الكدب والخداع واستغلال طيبتي؟ لا يا أحمد، البيوت اللي زي دي بتتهد أسهل ما بتتني.. ولملم هدومك واطلع من بيتي النهاردة قبل بكره، لأني هرفع قضية خلع وتزوير كمان.
سبته واقف مذهول ومش مصدق إن الطيبة اللي استغلها سنين اتحولت لبركان بېحرق كل اللي قدامه.
مرت أسابيع صعبة جداً.
أحمد خرج من البيت وراح قعد عند أهله، وطبعاً الدنيا قامت وقعدت.
حماتي بقت تيجي تقف قدام باب الشقة ټشتم وتزعق وتقول إني خرابّة بيوت وباردة وما عنديش ډم عشان سيبت ابنها في ظروفه.
وسمر حاولت تكلمني كذا مرة بس كنت بقفل السكة في وشها.
أنا استمرت في شغلي الجديد، وكنت ببني حياتي من أول وجديد، بعيد عن سم العيلة واستغلالهم.
لحد ما في يوم، وأنا قاعدة بخلص تصميم على اللاب توب، جالي
رقم غريب على الواتساب.
فتحت الرسالة.. وكانت عبارة عن صورة ملتقطة من كاميرا مراقبة قديمة لشارعنا.
وفي الصورة.. راجل غريب واقف قدام باب بيتي.. وماسك في إيده حاجة غريبة.
وتحت الصورة رسالة نصية قصيرة بتقول
المرة دي صورنا باب بيتك.. المرة الجاية هندخل جوه.. وقولي لطارق وسمر يدفعوا اللي عليهم، ولا تصلي على نفسك صلاة الچنازة يا شاطرة!
قلبي وقف بين ضلوعي.
المش الموضوع مبقاش مجرد ديون عادية وفلوس ومحاكم.. الموضوع دخل في سكة عصابات وناس بتطارد طارق وسمر، وأنا اللي بقيت في وش المدفع لأنهم فاكرين إني لسه على ارتباط بالعيلة دي أو إني الوصية فعلاً!
مسكت موبايلي واتصلت ب سمر بسرعة.
رنت مرتين وتلاتة لحد ما ردت بصوت مړعوپ وعياط هيستيري
ألو.. الحقيني يا فيروز.. هما جم البيت عندنا!
بصوت كله ڠضب صړخت فيها
هم مين دول؟ وفين آدم؟ آدم فين يا سمر؟!
قالت وهي بتنهج بدموع
آدم.. آدم مش في البيت.. ختوه.. خدوا ابني يا فيروز!
الكلمة نزلت على دماغي زي الصاعقة.
ابن أخت جوزي.. الطفل البريء اللي كان بيقعد يكلمني عن النجوم والفضاء.. اتخطف بسبب طمع أبوهم وديونه!
قلت لها بحزم وأنا بمصح دموعي اللي نزلت ڠصب عني
اقفلي.. اقفلي ومتتحركيش من مكانك.. أنا جاية حالا، والمرة دي أنا اللي هخلص الموضوع ده بطريقتي!
لبست هدومي بسرعة، ونزلت وانا مش خاېفة من حاجة خلاص.. اللي خسر كل حاجة مابقش عنده ما يخافه.
بس وأنا راكبة العربية ورايحة على بيت سمر، كنت أعرف كويس إن اللعبة اتغيرت، وإن اللي جاي أكبر بكتير مما تتخيل العيلة دي كلها.
يتبع في الجزء الثالث...