بيتي جديد ج 1 حكـايات مني السيد
النهاردة، كفاية لحد كده.
بصيت لها باستغراب بابا باعتلي فلوس معاكي أنتِ؟ ما بابا كان معايا الصبح واداني مصرفي! وبعدين أجي معاكي فين؟ أنا خلاص ده بيتي.
نور شكلها اتغير وقالت بعصبية أنتِ بتبدلي أهلك عشان شويه عفش ومفتاح أوضة؟ أنتِ هبيلة؟
وقبل ما أرد، سمعنا صوت الباب الخارجي ببيتفتح. كانت طنط نادية رجعت من السوبر ماركت.
نور قامت بسرعة وقالت أنا ماشية.. مش قادرة أقعد في المكان ده دقيقة واحدة.
طلعت نور من الأوضة، وطنط نادية لما شافتها سلمت عليها بكل ذوق أهلاً يا نور يا حبيبتي، كويسة إنك جيتي، استني اتغدي معانا أنا جايبة أكل حلو.
نور بصت لها بتمثيل وابتسامة صفرا شكراً يا طنط.. المرة الجاية.
ومشيت نور بسرعة، ومن غير ما تدي فرصة لحد يتكلم.
بعد ما نور مشيت بحوالي ساعتين، بابا رجع من الشغل. القعدة كانت هادية ولطيفة، اتجمعنا كلنا عشان نتغدى.
وفجأة.. ونحن قاعدين، طنط نادية قامت تفتح شنطتها عشان تجيب الموبايل ترن على أختها.
وفجأة، سمعنا صوت شنطتها وهي بتقلب فيها بسرعة وتردد.
ملامحها اتغيرت خالص، ووشها بقى أصفر.
بابا لاحظ وقام من على السفره في إيه يا نادية؟ بتدوري على إيه؟
طنط نادية بصت لبابا بتوتر وقالت بصوت بترعش الأسورة..
نورهان قامت بسرعة إيه؟ دوري كويس يا ماما، يمكن وقعت في الشقة ولا على الكنبة؟
طنط نادية بدأت تدمع والله يا نورهان أنا ما طلعتهاش من الشنطة من الصبح! الشنطة كانت محطوطة على الجزمة جنب الباب لما نزلت، ولما رجعت حطيتها على الترابيزة في الصالة.
البيت كله حالة طوارئ اتعلنت فيه.
بدأنا ندور في كل مكان. نورهان تقلب في الصالة، وبابا يدور في الممر، وطنط نادية بتقلب شنطتها للمرة العشرين.
أنا كنت واقفة متسمرة، مش عارفة أعمل إيه بس حاسة بخنقة.
وفجأة، نورهان وقفت وبصتلي.
النظرة ما كانتش فيها اتهام، بس كان فيها تساؤل مرعب.
بابا قال بصوت جامد نادية، متأكدة إن الشنطة كانت مقفولة؟ حد دخل الشقة النهاردة؟
طنط نادية سكتت وخاڤت تتكلم، بس نورهان هي اللي
ردت بمنتهى الصراحة
اه يا بابا.. نور أخت مريم كانت هنا الصبح.. وقعدت لوحدها في الصالة شوية لما مريم كانت بتجيب لها مية.
قلبي وقع في رجلي.
بصيت لنورهان وقلت باڼهيار أنتِ بتقولي إيه يا نورهان؟ نور اختي ما تمدش إيدها على حاجة مش بتاعتها!
نورهان ردت بهدوء يستفز أنا ما قلتش هي اللي أخدتها يا مريم، أنا بظبط الأحداث
بابا بصلي بنظرة غموض وقال مريم.. أنتِ شوفتي نور وهي بتقرب من الشنطة؟
دموعي نزلت مغرقة وشي لا يا بابا! والله العظيم ما شفت حاجة، ونور اختي حتى لو هي عصبية وبتقول كلام يضايق، هي مش حرامية!
طنط نادية جرت عليا وحضنتني وهي بتقول لبابا ونورهان
بس.. بس يا جماعة! خلاص.. فدايا الأسورة، لعله خير! مريم مالهاش ذنب، ونور زي بنتي ومحدش يتهم حد من غير دليل.. خلاص يا مريم يا حبيبتي متعيطيش.
بس الكلام كان خلاص اتقال.. الاتهام بقى معلق في الجو.
الشك بقى زي السم، يسري في البيت كله.
نورهان بتبصلي بجمود، وبابا ساكت ويفكر وعينيه عليا، وطنط نادية بتحاول تطيب خاطري بس عينيها فيها حزن على حاجة غالية أوي عندها.
أنا في اللحظة دي حسيت بالبيت الجديد بيتهد فوق دماغي.
سيبتهم وجريت على أوضتي، قفلت الباب بالمفتاح.. المفتاح اللي كنت فرحانة بيه الصبح وبقول إنه رمزي للخصوصية والأمان.
قعدت على السرير ودموعي نازلة زي المطر.
هل ماما ونور كان عندهم حق؟ هل أنا جيت هنا عشان أكون الضحېة في الآخر؟
هل نورهان وطنط نادية بيمثلوا عليا الطيبة، وأول اختبار هيحطوا العيب عليا وعلى أختي؟
مسكت الموبايل، وبأيد
ردت نور بصوت كله تشفي إيه يا مريم؟ عرفتي إن الله حق وجاية تترجيني أرجعك؟
قلت لها وأنا ببتنع بالبكاء نور.. أنتِ أخدتي الأسورة الذهب بتاعة طنط نادية لما جيتي؟
نور سكتت ثانية.. وبعدين اڼفجرت في العياط والزعاق بصوت عالي جداً هز سماعة التليفون
أنتِ بتتهميني أنا بالسړقة يا مريم؟ أنتِ بعتي أختك وعيلتك عشان شوية ناس أغراب؟ أنتِ قڈرة لدرجة إنك تخليهم يشككوا في أختك؟
قفلت نور الخط في وشي.
وبعدها بدقيقة، موبايلي رن برقم ماما.
فتحت الخط، وسمعت صوت ماما پيصرخ فيا بأبشع الألفاظ
يا جحدة! يا اللي ما عندكيش ريحة الأصل! بتتهمي أختك الشريفة إنها سړقت من مرام أباكي؟ وحياة رحمة أمي لو ما جيتي دلوقتي واعتذرتي لأختك وقفلتي الباب ده، لأكون نازلة جايباكي من شعرك ومفضاحكي قدام الشارع كله!
قعدت في الأرض ورا الباب، ضامة ركبي لصدري وببكي بحړقة.
البيت كله بره كان ساكت.. السكوت كان أرعب من أي صړيخ.
وفجأة.. سمعت خبط خفيف على باب أوضتي.
صوت بابا من بره، كان صوت هادي جداً بس صارم
مريم.. افتحي الباب يا بنتي.. احنا لازم نتكلم، والحقيقة لازم تظهر النهاردة قبل بكرة.
مسحت دموعي،
وقمت بأقدام تقيلة متكتفة بالخۏف، وحطيت إيدي على المفتاح.
