أنا وطارق متجوزين من ٣ سنين. من يوم ما أخوه الكبير اتوفى من سنة، وشهد أرملته بقت محور حياته. بحجة أنا السند لولاد أخويا، رغم إنها ماعندهاش غير طفل واحد. بقت تتدخل في كل تفصيلة في حياتنا، وأي حاجة أطلبها منه يطنشني ويقولي مفيش فلوس والميزانية مخرمة، لكن لو شهد كحت، يقلب الدنيا في يوم عيد ميلاد حماتي، طارق قالي انزلي انتي لعماتي تحت وأنا هحصلك عشان عندي شغل مهم عاللاب توب. نزلت، وبعد نص ساعة لقيت الباب بيخبط ودخل طارق، ووراه شهد! الصدمة مكنتش في بدخولهم مع بعض، الصدمة كانت في الفستان اللي شهد لابساه. ده نفس الفستان الغالي اللي شاورتهوله عليه من شهر وقولتله نفسي فيه، وقالي ساعتها إنتي مجنونة؟ ده غالي جدا ومفيش فلوس!بلعت الإهانة وسكت عشان مارفعش صوتي قدام أهله. قعدنا كلنا، وحماتي بتوزع الجاتوه. شهد اتدلعت وقالت أنا مش هقدر آكل، دايخة أوي ومعدتي مقلوبة يا طنط. هنا جوزي قام ملهوف، ساب طبقه، وراح جاب كوباية عصير لمون وقعد جنبها يسقيها بإيده!الدم غلي في عروقي، بصيتله وقولتله بحدة في إيه يا طارق؟ ما هي كويسة وزي الفل، سيبها تشرب لواحدها إنت هتأكلها في بوقها؟بصلّي نظرة كلها احتقار قدامهم وقال إنتي إيه؟ مفيش في قلبك رحمة؟ دي واحدة تعبانة، وبعدين إنتي بتدخلي ليه أصلا؟سكت ودموعي في عيني. وفجأة، النور قطع في الشقة كلها كنا قاعدين قريبين من بعض. في الضلمة، حسيت بإيده بتتمد، مسكت إيدي جامد بحنية، وقرب همس في ودني بصوت واطي أوي استحملي شوية يا حبيبتي، هانت وكلها أيام وأعلن للكل، أنا ماصدقت إن العدة بتاعتك خلصت جسمي كله اتنفض.. عدة إيه؟ أنا مراته
ومش مطلقة!النور جه في نفس اللحظة.. وبصيت على إيدي، لقيت إيدي فاضية مفيهاش حاجة! بس لما بصيت جنبي، لقيت إيد طارق جوزي ماسكة إيد شهد بقوة، وهي وشها أحمر وبتبصله بابتسامة خجل!قمت وقفت كأن عقرب لدغني. الكوباية اللي كانت قدامي وقعت اتكسرت ١٠٠ حتة. الكل سكت وبصولي زعقت بصوت رج العمارة إنتوا بتعملوا إيه؟ وعدة إيه اللي خلصت يا أستاذ طارق؟ارتبك وساب إيدها بسرعة، بس حماتي اتدخلت بكل برود وقالت في إيه يا مجنونة بتفضحينا ليه؟ طارق بيعمل بأصله، وهيتجوز أرملة أخوه عشان يربي اليتيم ويحافظ على لحمنا، الشرع محلله أربعة!بصيتله وأنا مش مصدقة، الخذلان كسرني، قولتله ودموعي بتنزل بقى بتسرق دهبي اللي بعتهولك عشان تسدد ديونك، وتجيب بيه فستان وشبكة لأرملة أخوك؟ طلقني يا خاين!ابتسم طارق ببرود مستفز، وحط إيده في جيبه، وطلع ورقة رماها في وشي وقال وسط ذهول الكل أطلقك؟ ههه.. إنتي اللي هتبوسي رجلي عشان أخليكي خدامة هنا، بعد ما تقري الورقة دي وتعرفي إنتي ممضية على إيه!نزلت عيني على الورقة اللي وقعت على الأرض، مسكتها وفتحتها.. وأول ما قريت أول سطر فيها، حسيت إن روحي بتنسحب مني، ورجلي ماشالتنيش ووقعت على الأرض، لأن المكتوب فيها كان كارثة دمرت كل حاجةالكاتبه_نور_محمدالورقة وقعت من إيدي وأنا حاسة إن الأرض بتلف بيا. الحروف كانت بتتهز قدام عيني، دي مكنتش ورقة طلاق ولا حتى تنازل عن حقوقي، دي كانت إيصال أمانة بمبلغ اتنين مليون جنيه! ممضي بخط إيدي وبصمتي!بصيت لطارق بذهول، لقيته واقف حاطط إيده في جيبه وبيبصلّي بانتصار ونظرة شيطانية، وحماتي وشهد بيبتسموا بشماتة صوتي طلع
بالعافية ومخلوط بدموعي إيصال أمانة؟ إنت عملت كده إمتى وإزاي؟ أنا عمري ما استلمت منك مليم!ضحك طارق بسخرية وقال فاكرة من شهرين لما قولتلك محتاجين نمضي ورق في البنك عشان قرض الشقة الجديدة والورق كان كتير؟ أهو الإيصال ده كان وسطهم. القانون لا يحمي المغفلين يا حبيبتي. قدامك حل من اتنين.. يا إما تدفعي الاتنين مليون جنيه، يا إما تترمي في السجن وتبقى فضيحتك بجلاجل، يا إما تقبلي بالأمر الواقع، وتعيشي هنا تخدمينا أنا وشهد بعد ما نتجوز، ومسمعش صوتك خالص في اللحظة دي، الضعف اللي كان مالي قلبي اتبخر، ودموعي نشفت فجأة. الخذلان لما بيزيد عن حده بيقلب بقوة غريبة. وقفت على حيلي، ولميت الورقة اللي على الأرض وقطعتها ١٠٠ حتة
ورميتها في وشه برّق عينه وقال بعصبية إنتي اتجننتي؟ بتقطعي الإيصال؟ابتسمت ببرود رعبهم كلهم وقولتله أنا متأكدة إن دي صورة مش الأصل، لأن واحد جبان وخاين زيك أجبن من إنه يمشي بالأصل في جيبه.. بس اسمع يا طارق، السجن اللي بتهددني بيه أرحم ميت مرة من إني أعيش دقيقة واحدة تحت سقف واحد مع واحد معدوم المروءة زيك. أعلى ما في خيلك اركبه سيبتهم مذهولين، ودخلت أوضتي، لميت هدومي وحاجتي المهمة، وخرجت من البيت وأنا حاسة إني اتولدت من جديد. كرامتي كانت أغلى من أي خوف تاني يوم الصبح، كنت في مكتب أكبر محامي في البلد. حكيتله كل حاجة بالتفصيل. المحامي طمني وقالّي ماتخافيش، الورقة اللي معاه دي نقدر نثبت إنها متاخدة خيانة ائتمان، بس إحنا مش هنستنى لما هو يرفع قضية، إحنا اللي هنهاجم وفعلاً، بدأنا نتحرك. المحامي طلب مني أكلم طارق في التليفون وأستفزه عشان
يعترف، وسجلتله المكالمة وهو بيهددني بالإيصال اللي مضاني عليه وسط ورق البنك، وبيقولي صراحة يا تشتغلي خدامة لمراتي، يا هسجنك بالإيصال اللي غفلتك ومضيتك عليه بالمكالمة دي، وبشهادة موظف البنك اللي أكد إن طارق دس ورق خارجي وسط ورق القرض، رفعنا عليه بلاغ نصب واحتيال وابتزاز، وكمان تشهير لأنه حاول يشوه سمعتي قدام عيلته ويهددني في شرفي وأمانتي في الوقت اللي طارق كان عامل فيه فرح كبير وعازم كل العيلة عشان يتجوز شهد، وفي عز ما المأذون بيكتب الكتاب.. دخلت قوة من المباحث وقبضوا عليه قدام المعازيم كلهم شهد أول ما شافت البوليس، بدل ما تقف جنبه، صرخت فيه إنت ورطتني معاك! أنا ماليش دعوة بيه يا فندم! وسابته وطلعت تجري خايفة على شكلها وسمعتها، وحماتي وقعت من طولها لما شافت ابنها اللي فضلته على الحق بيتكلبش وبيتاخد في البوكس بعد مرور سنة..وقفت في البلكونة بتاعة شقتي الجديدة، بشرب قهوتي وببص للشمس اللي بتطلع. طارق اتحكم عليه بالسجن في قضية النصب والابتزاز، وخسر شغله وسمعته. وشهد اتخلت عنه تماماً وشافت غيره لأنها مكنتش بتدور غير على الفلوس، ولما عرفت إن حساباته اتجمدت رمته ورا ضهرها أما أنا؟ أنا أسست مشروع صغير لتفصيل الملابس، كبرته يوم ورا يوم بقرشي حلال ومجهودي. بقيت سيدة أعمال ناجحة، حرة، وكرامتي فوق راسي اتعلمت إن الضربة اللي مابتموتش بتقوي، وإن الست اللي بتسند نفسها وتعرف قيمة كرامتها، مستحيل حد يقدر يكسرها، وإن العوض بتاع ربنا دايماً أجمل وأعظم من أي حاجة خسرناها تمت لو عجبتك الروايه متنساش تعمل متابعه لصفحتي الكاتبه نور محمد حتي يصلك كل جديد
