جلسه الطلاق حكايات نور محمد

واقفة قدام القاضي في محكمة الأسرة وأنا حامل في الشهر التامن، وبسلّم كل حاجة من حقوقي لطليقي وزوجته المستفزة اللي كانت باصة لي بابتسامة نصر وسخرية.. بس المحكمة كلها اتكهربت وسكتت فجأة لما القاضي وقف الجلسة ودخّل طفلة صغيرة كشفت السر المرعب اللي عمله هو والست القاسية!
القاعة كانت زحمة، والهدوء ساد تماماً اول ما وقفت قدام منصة القاضي، حاطة إيدي على بطني المنتفخة في الشهر التامن. كنت داخلة المحكمة وأنا مستغنية عن كل حاجة، طالعة بإيدي فاضية من جوازة استمرت خمس سنين.
وفي الناحية التانية كان قاعد زياد جوزي، لابس بدلة غالية ومتشيك ومفيش في إيده دبلة، وجنبه قاعدة سارة، الست اللي كان ماشيها من ورايا وتجوزها في السر سارة كانت قاعدة بثقة وابتسامة شماتة مالية وشها، وكأنها بتقول لي أنا أخدت كل حاجة وبقيتي بره اللعبة الكاتبه_نور_محمد
القاضي بص لملف القضية وقال بصوت جهوري يا مدام كارما، في عريضة الدعوى مكتوب إنك متنازلة تماماً عن شقة الزوجية، والمؤخر، ونفقة المتعة، وبقية حسابات بنك التوفير.. هل الكلام ده صحيح ومُصرّة عليه؟
محاميّ بص لي بتوتر، بس أنا رفعت راسي ودموعي متجمدة في عيني أيوه يا سيادة القاضي.
. مش عايزة أي حاجة من ريحته. مش عايزة الشقة اللي كان بيدخلها في غيابي وأنا في جلسات السونار والعلاج، ولا الفلوس اللي كان بيشتري لها بيها دهب وساعات.. أنا عايزة ابني بس يتربى بعيد عن القرف والكذب ده.
في اللحظة دي، سارة طلعت منها ضحكة بصوت عالي ومستفز، ضحكة شماتة مفيهاش أي احترام لهيبة المحكمة!القاضي ضرب بالشاكوش على المنصة وقال بغضب شديد الست اللي قاعدة هناك.. لو سمعت منك صوت تاني هأمر بإخراجك فوراً وحبسك بتهمة إهانة الهيئة القضائية!
.زياد قام وقف واتكلم بلهفة يا سيادة القاضي هي بتعمل شو ومظلومية عشان تطلعني مريض ونصاب قدام الناس!.القاضي قاطعه بحسم اقعد مكانك يا أستاذ زياد!.الكاتبه_نور_محمد
قفل القاضي الملف اللي قدامه، ووقف وهو بيبص للجميع بنظرة غريبة وصارمة، وقال بصوت هز القاعة
قبل ما أصدر حكمي في طلب التنازل، في أمر خطير جداً للعدالة لازم المحكمة تتطرق ليه دلوقتي القاضي شرح إنه قبل الجلسة ب عشر دقايق، لما كان خارج من مكتبه، لقى طفلة صغيرة واقفة عند بوفيه المحكمة بتبكي بحرقة، ومسكت في روب القاضي وهمست له بكلام مرعب عن اللي أبوها والست الشريرة عملوه في أمها وفي الشقة من وراها!
في ثانية، ملامح زياد اتغيرت ووشه بقى زي الملح، وابتسامة سارة اختفت تماماً وإيديها بدأت تترعش. القاضي بص للحاجب وقال بثبات دخّل الطفلة جوة القاعة فوراً.اتفتح باب المحكمة الخلفي.. ودخلت طفلة عندها ست سنين، لابسة جاكيت أصفر ومستخبية في لعبتها القماش ومذعورة.
أول ما شفتها، قلبي اتخلع من مكانه وبصيت بذهول فريدة!.دي كانت بنت زياد من جوازته الأولى الله يرحمها أمها، والبنت اللي أنا ربيتها وكبرتها على إيدي كأنها بنتي تماماً!زياد مسك في طرف الترابيزة جامد لحد ما صوابعه ابيضت، والطفلة قربت من المنصة وهي خايفة.
القاضي نزل لمستواها وبص لها بحنان وقال قولي لعمو القاضي تاني يا فريدة.. إيه اللي شفتيه بالظبط جوة الخزنة بتاعة بابي؟ وإيه الشريط والفلاشة اللي الست دي كانت عايزاكي تخفيهم؟.فريدة طلعت إيدها الصغيرة من جيب الجاكيت، وطلعت فلاشة ميموري صغيرة، وقالت بصوت طفولي بريء كسر الهدوء في القاعة بابي وطنط سارة حطوا الدوا ده في عصير طنط كارما عشان البيبي ينزل وتتجنن.
. وكانوا بيسجلوا لها بالفلاشة دي وهي نايمة بعد الدوا عشان يخوفوها ويخلوها تتنازل عن كل حاجة!.الدم اتجمد في عروقي، والقاعة كلها اتكهربت وصوت صراخ وتلفت قام بين الحضور، وزياد وسارة وقفت ركبهم من الصدمة والرعب!...الكاتبه_نور_محمد
الصرخة اللي طلعت مني في اللحظة دي هزت القاعة كلها.
. حطيت إيدي على بقّي وأنا بص في فريدة بذهول ومش قادرة أصدق اللي بأسْمَعه!الدوا اللي كان بيجيلي على إنه فيتامينات لمتابعة الحمل؟ العصير اللي كان زياد بيصر إنه يسقيهولي بإيده كل يوم بالليل ويقولي عشان صحتك وصحة البيبي يا كارما؟
الدوخة الغريبة، والتهلوسات، والأيام اللي كنت بصحى فيها حاسة إني بموت ودماغي ثقيلة، وكل ما أشتكي يقولي إنتِ بتتخيلي.. إنتِ تعبانة نفسياً ومحتاجة مصحة؟!كل ده كان مجهّز ومترتب بين زياد وسارة عشان يجهضوني، ويجننوني، ويخلوني أتتنازل عن كل حقي وأنا مغيبة!
القاضي ضرب بالشاكوش ضربات متتالية وقوية وهو بيكبر بصوت جهوريسكون في القاعة فوراً!! الحرس يمنع أي حد من الخروج أو تحريك أي حاجة!زياد وشّه بقى زي الميتين، عروق رقبته برزت وهو بيترعش، ولَف بغضب جنوني على فريدة وصرخ فيها بصوت مرعبإنتِ بتقولي إيه يا بت إنتِ؟
! مين اللي حشالك دماغك بالكلام ده؟! أنا أباكِ يا فاجرة! بقى تبيعي أباكِ عشان الست دي؟!فريدة استخبت ورا الحرس وهي بتعيط بحرقة وتصرخلأ يا بابي! إنت وطنت سارة أشرار! أنا شفتكم بعيني حطيتوا النقط البيضا في العصير بتاع مامي كارما..
وسارة قالتلك يلا نسجل لها بالموبايل والفلاشة وهي بتخرف عشان لما تروح المحكمة نقول للقاضي إنها مجنونة وماتستاهلش الفلوس ولا الشقة! وأنا أخدت الفلاشة من شنطة سارة وهي نايمة وخبيتها في لُعبتي عشان أحمي مامي كارما!سارة في اللحظة دي انقضت على البنت وزعقت بهستيريابتكدب!
البت دي مجنونة زي المرفوعة
عليها القضية! دي طفلة ومحفظينها الكلام ده عشان تلبسنا تهمة!القاضي ضرب بالشاكوش بغضب شديد وصرخ في الحرسمسكوا المتهمة فوراً! وشيلوا الطفلة بعيد عنهم! النيابة العامة تتحفظ على الميموري فلاشة فضلًا عن إبلاغ شرطة النجدة وقسم الشرطة للقبض على المدعو زياد والمدعوة سارة بتهمة الشروع في القتل والتآمر والإيذاء العمدي لطفل وحيازة مواد مخدرة!
أنا ركبي اتخشبت، والدنيا بدأت تدور بيا.. حسيت بمغص شديد يقطع في بطني، وصرخت صرخة مكتومة ومسكت في ظهر الكرسي. محاميّ جرى عليا ومسكني وهو يناديالحقوا المدام! المدام بتولد من الصدمة!القاعة اتقلبت رأساً على عقب.. الحرس كلبشوا إيدين زياد وسارة وسط صراخهم وتبادل الاتهامات بين بعضإنتِ السبب يا سارة!
إنتِ اللي خططتي لكل ده وقلتيلي نخلص من الحمل ونورث شقتها!أنا يا خائن؟ ده إنت اللي كنت عايز تأخد حسابها البنكي عشان تسدد ديون قمارك وشركتك المفلسة!فضائحهم ظهرت قدام كل الناس