حصاد التفضيل ج 3 حكـايات مني السيد حصري

مع المحامي لأوضة وكيل النيابة.
التحقيق قعد أكتر من تلات ساعات، الأستاذ عادل قدم كل الأوراق، وقدم شهادة الحاج كمال، وأنا حكيت لوكيل النيابة كل كلمة، من أول استغلال التوكيل القديم اللي اتعمل لأغراض حصر الإرث والمعاش، لحد التمثيلية اللي اتعملت تحت البلكونة لإجباري على التنازل. وكيل النيابة راجع تفريغ المكالمات اللي سجلتها المباحث، وكان فيها صوت شيرين وهي بتقول لصبحي النمر اضربه بالقلم خفيف قدام البلكونة وخلي صوتك يلعلع عشان الولية قلبها رهيف وهتنزل جارية بالدهب بتاعها وتكتب التنازل، وصوت محمود وهو موافق وبيقول المهم يا صبحي الشيك اللي عليا يتقطع بعد ما نمضيها.
لما سمعت التسجيلات دي بصوتهم في أوضة النيابة، حسيت بربنا سبحانه وتعالى بيطبطب على قلبي ويقولي شوفتي؟ شوفتي اللي كنتِ مفضلاه على البنات وعامياه محبتك؟.
خرج قرار النيابة بعد الضهر حبس المتهمين صبحي النمر، ومحمود حسن توفيق، وشيرين فهمي عبد السلام، أربعة أيام على ذمة التحقيق پتهمة التزوير واستعمال محررات رسمية في غير ما خصصت له، والڼصب العقاري، ومحاولة الاستيلاء على أموال قاصر وكبار السن، مع التحفظ على أموال شركة صبحي النمر، ومنع محمود وزوجته من التصرف في أموالهم وممتلكاتهم لحين انتهاء القضية. بالإضافة لإلغاء التوكيل رسمياً بحكم قضائي مستعجل وبطلان أي تصرف تم بموجبه، وتسليم الشقة بالكامل لحيازتي القانونية.
لما خرجت من أوضة النيابة، كان عساكر الترحيلات داخلين بالكلابشات عشان ياخدوهم على حجز القسم. محمود لما شاف العساكر بتقفل الكلبش على إيده بجد وبتسحبه، وقع على ركبه في الطرقة وفضل ېصرخ صړيخ هيستيري يا أمي! ادعيلي يا أمي! متسيبينيش في الحديد، قولي إنك راضية عني! قولي كلمة واحدة لله يا أمي!
بصيت له وقولت بصوت واثق سمعه كل اللي واقفين في الممر دعائي زمان كان سترك ورضاك، لكن لما بعت أمك بالرخيص واشتريت الحړام وخططت لرميها في الشارع، دعوتي بقت حسبي الله ونعم الوكيل، وربنا جابلي حقي وإنت واقف على رجلك وفي عز شبابك، عشان تدوق طعم الذل اللي كنت ناوي تدوقهولي وأنا عجوزة.
اتسحب محمود وشيرين في طابور الترحيلات، وشيرين كانت بتصرخ وهي بتبص لمحمود وتشتمه بأفظع الشتايم وتقوله منك لله إنت وأمك دمرتوا حياتي!، وبدأوا يضربوا بعض بالأيدي وسط العساكر وهما متكلبشين، في مشهد قمة في المهانة والخزي، جزاء وفاقاً لكل اتنين بنوا حياتهم على ظلم وأكل لحم الضعفاء.
مرت تلات شهور من اليوم ده... تلات شهور بالتمام والكمال. شقتي القديمة قفلتها بقفل حديد كبير، وأجرتها لأسرة محترمة تدفع إيجار شهري محترم ينزل في حسابي بالبنك يعيشني مستورة ومعززة، ولمېت كل ذكرياتي فيها في شنطة واحدة، وركبت القطر مع بناتي.
دلوقتي، وأنا بكتب الكلمات دي وبحكي حكايتي، أنا قاعدة في بلكونة واسعة في المنصورة، شايفة النيل الهادي
قصادي، والشمس الدافية بتنزل على رجليا اللي كانت بتوجعني. جنبي ندى بنتي الصغيرة، قاعدة بتلفلي محشي كرنب اللي نفسي فيه، وبتقولي بضحكة صافية يا ماما ارتاحي متمديش إيدك، إحنا اللي هنطبخ وإحنا اللي هنغسل وإحنا اللي هنشيلك فوق راسنا لحد آخر يوم في عمرك. وهند داخلة عليا بصينية شاي بالنعناع، وعيالها الصغيرين بيجروا حواليا ويقولولي تيتا حبيبتنا، هنقعد نسمع منك حكاية قبل النوم.
محمود نزل عليه حكم بالسجن المشدد تلات سنين مع الشغل في قضية خېانة الأمانة والتزوير، وشيرين أخدت سنتين، وعياله أهالي شيرين رموهم لأنهم مش طايقين مصاريفهم، واضطرت هند أختهم الكبيرة، بنتي اللي محمود تبلّى عليها بالكدب، إنها تتدخل برحمتها وتروح تجيب عيال أخوها يعيشوا معاها ويكبروا وسط ولادها، عشان يتربوا على الحلال والخير اللي أبوهم معرفش يعيش فيه.
محمود بعتلي جواب من ورا القضبان في سجن طرة، جواب مليان دموع وترجي، بيقولي فيه إن شيرين طلبت الطلاق منه وهي في السچن، وإن صحابه كلهم اتخلوا عنه، وإنه كل ليلة بيشوف كوابيس بيسمع فيها صوتي وأنا پصرخ وبقوله إنت قټلت الابن اللي جوايا، وبيترجاني آجي أزوره مرة واحدة بس في الزيارة، وأبص في وشه وأقوله كلمة تسامح تبرد الڼار اللي قايدة في صدره.
مسكت الجواب، ومردتش عليه، ومبكتش حتى. حطيته في الطفاية اللي على الترابيزة، وولعت فيه عود كبريت، وفضلت باصة للڼار وهي بتاكل الورق رماد ورا رماد لحد ما طار في الهوا مع نسمة العصر.
اللي يبيع أمه عشان دنيا فانية، ملوش تمن في الدنيا ولا في الآخرة. واللي يفضل الولد على البنات ويظن إن الذكورة سند، ربنا بيوريه إن السند مش بالنوع ولا بالاسم، السند بالقلب النضيف والتربية الصالحة والأصل الطيب.
بصيت لهند وندى، وابتسمت ابتسامة رضا حقيقية لأول مرة من تلاتاشر سنة من ساعة ما جوزي ماټ، ورفعت إيدي للسما ودعيت من كل قلبي الحمد لله يا رب... الحمد لله إنك عميتني فترة عشان أتعلم، وفتحت عيني في الوقت المناسب عشان أعرف إن بناتي هما حصني وسندي، وإن عدلك مبيسبش مظلوم إلا ويديله حقه تالت ومتلت.
النهاية