سر الدولاب القديم

وجود؟!
هتدفعي يا أسماء.. هتدفعي ورجلك فوق رقبتك! نيفين زعقت والشړ بينط من عينيها ومش هسيبك تتهني بمليم واحد طارق سابه، ده أنا أهد البيت ده فوق نفوخك ونفوخ عيالك!
وهي بتزعق وبتلوح بإيدها، عينيها لفت ناحية الحوش الصغير المفتوح على الصالة.
شافت الدولاب القديم الضخم، وشافت ضلفته المواربة اللي خارج منها طرف قماش حرير كحلي.
مدحت عينيه لقطت المنظر هو كمان
إيه ده يا مرت خالي؟ ده إنتوا بتفرشوا أنتيكات أهو ومعاكم فلوس ترزعوا دواليب من بتوع الباشوات في الحوش، وبتقولوا مش لاقيين ناكل؟
مدحت مد رجله وخطى ناحية الحوش عشان يدخل يتفرج.
كريم مفكرش مرتين. ھجم عليه ومسكه من ياقة قميصه وزقه بكل عزم فيه لورا
قسماً برب العزة لو رجلك لمست عتبة الحوش ده لأكون غارس في بطنك السکينة دي!
كريم كان ساحب سکينة مطبخ صغيرة من على الطبلية ومتبت فيها بإيده اللي بتترعش من كتر الغيظ.
مدحت اتفاجئ بالقوة اللي في دراع الولد وارتد للخلف، وبص لخالته وهو مرتبك
شوفي الواد الصايع بيرفع عليا سلاح إزاي؟ عيال طارق بقوا رد سجون خلاص!
أسماء دخلت في النص وزقت كريم لوراها، ووقفت بوشها لنيفين ومدحت
اخرجوا برة.. اخرجوا من غير كلام عشان الحارة كلها سامعة، ولو اتلموا عليكم مش هيسيبوكم تطلعوا سليمين، الحتة دي مقطوعة وناسها مبيحبوش الغريب اللي ېتهجم على بيوت الحريم.. برة!
نيفين شافت نظرة الجيران اللي بدأوا يتجمعوا على باب المدخل فعلاً، وشافت منظر كريم والسکينة في إيده. تفّت في الأرض وقالت بقرف
هنشوف يا أسماء.. المحاكم ما بيننا، ومدحت بكره هيجيبلك محامي من الزقازيق يقلعك ملط من الشقة دي ويشردك في الشوارع!
خرجت نيفين وهي بتجرجر مدحت وراها، وريحة الشړ سابت وراها دخان خانق في البيت.
٥. قرار تحت ضغط الڼار
أول ما الباب اتقفل وراهم بالمفتاح والترباس، أسماء حيلها اتهد وقعدت على الأرض قدام الباب، ودموعها نزلت من غير صوت.
كريم رمى السکينة من إيده وجري حضنها
متبكيش يا أمي.. والله لو قربوا من البيت ده لأموتهم واحد واحد! محدش هيقدر يخرجنا من هنا طول ما فيا نفس!
منة كانت بټعيط ومتبتة في هدوم حسن وهناء اللي كانوا مرعوبين.
أسماء مسحت دموعها بإيد خشنة متشققة من تراب المشتل وشوك الورد، وقامت وقفت. الضعف خلاص مبقاش له مكان. نيفين مش هتسكت، وابن أختها الصايع ده عينه مش هتسيب البيت بعد ما لمح طرف الدولاب والحرير اللي جواه، وممكن في أي ليلة يطبوا عليهم بعربيات ولا بلطجية بحجة التركة.
بصت لكريم وقالت بصوت قاطع وثابت زي الصخر
كريم.. الدولاب ده لازم يتصرف فيه قبل الجمعة الجاية.
هنعمل إيه يا أمي؟
الورق اللي في السحارة بيقول إن العرايس دي تمنها يسد عين الشمس لو وصلت للإيد الصح.. بس إحنا مش هننزل بيهم الشارع كدة عيني عينك زي بتوع الروبابيكيا. بكره أنا هاخد إجازة نص يوم من المشتل، وأنت هتيجي معايا.
على فين؟
وسط البلد.. عند الناس اللي بتفهم في الحاجات دي. هناخد شهادات الأصالة اللي مكتوبة بالفرنساوي، وهاخد صور للعرايس بالموبايل بتاعك، وهاخد أصغر حتة فيهم.. الإيد البورسلين الصغيرة اللي مفكوكة بتاعة العروسة الرابعة اللي

متكفنة بالقطيفة.
٦. شوارع وسط البلد والخواجة ألبير
تاني يوم الصبح بدري، والشمس يدوب بتبعت خيوطها الدافية فوق كباري القاهرة، ركبت أسماء ومعاها كريم مترو الأنفاق من المرج ونزلوا في محطة السادات.
القاهرة في وسط البلد كانت عالم تاني خالص غير الخانكة والمرج.
عمارات عالية بطراز إيطالي وفرنسي من أيام الخديوي إسماعيل، بلكونات حديد فورفورجيه مشغولة بفن قديم، وواجهات محلات أكل عليها الدهر وشرب بس لسه محتفظة بهيبتها.
أسماء كانت رابطة كيس القماش الصغير في حزام وسطها تحت الجلابية، وجواه شهادات الأصالة وحتة البورسلين الملفوفة في قطن، وكريم كان ماسك تليفونه ومطمن إن الصور واضحة ومفيهاش فلاش عاكس يبوظ ملامح العرايس.
فضلوا يلفوا في الشوارع الضيقة المتفرعة من شارع طلعت حرب وقصر النيل، يدوروا على يافطة قديمة لمحلات التحف والأنتيكات. كان معظم المحلات الكبيرة اللي في الواجهة عارضة نجف كريستال وساعات حائط وشغل مدهب رخيص معمول في الورش الجديدة، وأسماء بفطرتها كانت عارفة إن دي مش الأماكن اللي تدور فيها.
لحد ما دخلوا ممر ضيق متفرع من شارع هدى شعراوي.
في آخر الممر، تحت عمارة ضخمة سقفها عالي، كان فيه محل واجهته خشب أرو بني قديم، الفترينا بتاعته عليها تراب ناعم، ومعروض فيها تماثيل نحاس صغيرة، وجراموفون قديم، وكتب بجلود طبيعية، ويافطة نحاسية ممسوحة يدوب باين منها
ألبير كوستندي لترميم وتقدير التحف والنوادر تأسس عام ١٩٤٨
أسماء وقفت قدام الباب، قلبها كان بيدق بسرعة، بصت لكريم
اقرأ آية الكرسي في سرك يا ابني.. وتوكلنا على الله.
زقوا الباب الخشب، فرنت جرس نحاس صغير متعلق فوق الباب بصوت هادي ورنان.
جوة المحل، كانت الريحة نفس ريحة الدولاب بالضبط! خشب قديم، وزيوت تلميع، وورق مصفر، وهوا تقيل محمل بالتاريخ.
من ورا مكتب خشب ضخم متغطي بجلد أخضر، رفع راجل عجوز راسه. كان راجل في أواخر السبعينات، شعره أبيض زي القطن، لابس بدلة صوف كلاسيكية بفيست كحلي، ولابس نضارة مكبرة بعدسة واحدة على عينه اليمين، وماسك في إيده ملقاط دقيق بيصلح بيه عقرب ساعة جيب ذهبية.
بص لأسماء ولابنها كريم، شاف عبايتها البسيطة وطرحتها القطن ولبس كريم المتواضع. مكانش في عينيه أي تكبر ولا استعلاء، بالعكس، بص لهم باهتمام هادي وقال بنبرة صوت رخيمة ومثقفة
أهلاً وسهلاً يا مدام.. شرفتينا. أقدر أساعدكم بإيه؟
أسماء بلعت ريقها، وقربت خطوة من المكتب
صباح الخير يا خواجة.. أنا جاية في استشارة، ولو مفيهاش إساءة أدب، محتاجة أمانتك في كلمة حق.
الخواجة ألبير نزل النضارة المكبرة على المكتب، وسند ضهره لورا وهو مبتسم ابتسامة خفيفة
الأمانة مبتتباعش ولا بتتشري يا بنتي، وإحنا في المكان ده بقالنا تلات أجيال مبنقولش غير الكلمة الحق. اتفضلي استريحي.
أسماء قعدت على طرف الكرسي الجلد، وكريم فضل واقف ورا ضهرها كأنه حارسها.
مدت إيدها تحت الجلابية، طلعت الدوسيه الكرتون والكيس القماش، وحطتهم على المكتب بالراحة.
أنا عندي حاجة قديمة.. وعايزة أعرف أصلها وفصلها، وهل الورق ده له قيمة ولا مجرد ورق بايت ملوش لزمة.
الخواجة ألبير فتح الدوسيه بهدوء، بس أول ما عينه لمحت الورقة الأولى، والأختام الشمعية الحمرا بتاعة باريس سنة ١٩٣٦، حواجبه اترفعت ببطء شديد.
سحب عدسة مكبرة تانية بإيد سريعة غير متوقعة لراجل في سنه، وقرب الورق من عينيه. فضل يقرا، وشفاه كانت بتتحرك بكلمات فرنساوي مش مفهومة، وعينيه كانت بتوسع مع كل سطر
مستحيل... أختام دار Jumeau الأصلية؟! ومختومة من مصلحة الجمارك الملكية المصرية في ميناء الإسكندرية سنة ١٩٣٨؟!
بص لأسماء فجأة، والنظرة الهادية اللي كانت في عينيه اتبدلت

بذهول كامل
الورق ده أنتي جبتيه منين يا ستي؟ ده ورق رسمي لقطع متحفية نادرة جداً!
كريم طلع التليفون بسرعة ومد إيده
ودي صور العرايس يا خواجة.. شوفهم بنفسك.
الخواجة ألبير مسك التليفون، وبدأ يقلب الصور بصوابعه وهو بيكبر على الوشوش، على العيون الزجاجية، على مفاصل الخشب والكتان، وعلى الفساتين والتطريز. وفجأة، إيده بدأت تترعش وهو بيكبر صورة العروسة اللي لابسة فستان مخملي كحلي
دي.. دي مجموعة نادية ذو الفقار؟! أنتوا لقيتوا الدولاب بتاع شريفة هانم؟!
٧. الصدمة التي هزت المحل
أسماء وكريم اتسمروا مكانهم!
أنت.. أنت تعرف الست شريفة ونادية؟! أسماء قالتها وهي مش مصدقة ودنها.
الخواجة ألبير قلع نضارته تماماً، وفرك وشه بكفيه، وتنهد تنهيدة كأنها شايلة ۏجع أربعين سنة فاتوا
أعرفهم؟ شريفة هانم كانت زبونة المحل هنا عند والدي الله يرحمه في الستينات! والدي هو اللي كان بيعمل صيانة للعرايس دي لما شعرهم يتبهدل أو مفصل ينكسر! وفيلتها في مصر الجديدة اتقفلت بعد ۏفاتها في أواخر السبعينات، ومن سنين طويلة وورثة العيلة بيتخانقوا في المحاكم على الفيلا والأرض.. وكل بتوع الأنتيكات في مصر القديمة والزمالك كانوا عارفين إن شريفة هانم كانت محتفظة بمجموعة عرايس من الخزف والبورسلين نادرة الوجود، تمنها لوحدها يقدر بملايين دلوقتي في مزادات لندن وباريس، بس اختفت ومحدش لقاها في الفيلا يوم ما اتفتحت!
م.. ملايين؟! كريم صوته طلع مخڼوق، وحس بۏجع في ركبه خلاه يسند على طرف المكتب عشان ميقعش.
الخواجة ألبير بص لهم بتركيز شديد، وقال بنبرة صوت خفيضة ومليانة تحذير
اسمعيني كويس يا ست أسماء.. أنا مش هسألك الدولاب ده وصل لبيتك إزاي، ولا هسألك مين اللي رماه أو سابه.. بس لازم تفهمي الکاړثة اللي أنتي واقفة على حافتها.
أسماء بلعت ريقها بصعوبة
کاړثة إيه يا خواجة؟ إحنا ناس غلابة وملناش في الحړام ولا المشاكل.. والله ده كان مرمي في مقلب ژبالة جنب المشتل ومحدش كان يعرف فيه إيه!
الخواجة ألبير قرب بجسمه لقدام، وهمس بصوت واطي جداً
عارف ومصدقك.. بس ورثة كمال باشا ذو الفقار، مش شوية ناس عاديين. دول حيتان وعائلات تقيلة ومستشارين كبار، وفي منهم ناس مبترحمش، وبقالهم شهرين بالظبط لما صدر حكم المحكمة النهائي ببيع أرض الفيلا لهدمها وبناء برج تجاري، هجموا على المخازن القديمة التابعة للعيلة في القليوبية، والعمال هناك رموا الكراكيب القديمة من غير ما يعرفوا إن الدولاب المسحور ده كان مستخبي تحت تلال الصناديق!
سكت الخواجة ألبير شوية، وبعدين كمل وهو بيبص في عينيها بحزم
ومن أسبوعين بالظبط، جه هنا المحل واحد اسمه عمر ذو الفقار، حفيد كمال باشا من زوجته الأولى، وكان قالِب الدنيا ومعاه صور قديمة للدولاب وللأوراق دي، وواقف يعرض مكافأة نص مليون جنيه للي يدلّه على طريق الدولاب، وقايل إن اللي حاطط إيده عليه هيتحبس پتهمة خېانة الأمانة وسړقة أملاك عائلة تاريخية!
أسماء رجليها سابت تماماً، وحست إن الدنيا بتلف بيها في المحل.
يعني لا هي طالت الفلوس اللي كانت هترحم عيالها من الفقر، ولا هي خلصت من شړ حماتها نيفين، وفوق ده كله بقت مھددة بالسجن على إيد عيلة من عائلات الباشوات الكبار اللي كلمتهم سيف!
أنا لازم أرجع أرمي الدولاب ده في الترعة يا خواجة! أسماء قالتها بهلع وهي پتبكي أنا مش عايزة كنز ولا عايزة فلوس.. أنا عايزة أربي عيالي في ستر وسلام!
لا يا ست أسماء.. أوعي تعملي كدة! الخواجة ألبير مسك إيدها بسرعة لو رميتيه، هتدمر
ثروة تاريخية وذنب الست دي هيفضل في رقبتك ليوم الدين.. ولو عمر ذو الفقار عرف إنك اتخلصتي منه، مش هيسيبك. اسمعيني كويس واعملي اللي هقولك عليه بالحرف..
وقبل ما الخواجة ألبير يكمل جملته، رن تليفون كريم في جيبه بصوت عالي.
كريم طلع التليفون وشاف الشاشة.. كانت منة أخته، وصوتها في التليفون كان پيصرخ ومعاه صوت تكسير زجاج وصويت في الشارع
إلحقنا يا كريم!! إلحقنا يا ماما!! مدحت جه ومعاه رجالة بعربيات نص نقل وكسروا باب الحوش.. وبيشيلوا الدولاب بالقوة والناس