جوزي سابني بعد ٣٠ سنة جواز حكـايات مني السيد حصري

ما هربت وسيبت بنتك مکسورة وبعت دهبها! صړخت في وشه بكل ما أوتيت من قوة، ونبرة صوتي هزت الحيطان، جاي تمثل دور الأب الحنين دلوقتي بعد ما خلصت فلوسك وبرة اتزنقت، وجاي تاكل عقول العيال وتضحك عليهم بكلمتين؟ والله لو وقفت قدامي جبل ما هتنازل عن قضية الطلاق ولا هندخلك تلمس طوبة واحدة من الشقة دي! اخرج من بيتي حالا أحسن أطلب البوليس يلمك زي الحرامية!
الكلمات نزلت عليه زي الصاعقة. حس إن كل خطته اتكشفت قدام عياله وإن الوشم الطاهر اللي كان راسمه على وشه اتقشر وظهر على حقيقته السودا. بص لكل واحد من أولاده نظرة استعطاف أخيرة، بس عياله كانوا خلاص شافوا بعينهم وشهدوا الصدمة على لسان أختهم الكبيرة.
بني آدم ندل ما بيعرفش يحب غير نفسه. لما لقى روحه اتقفش ومفيش فايدة، لم هدومه الطالعة والنازلة وابتسم ابتسامة صفراء مليانة غل وحقد، وقال بصوت واطي وخشن تمام يا أم البنات تمام قوي. لسه مكملين، وما تفكريش إنك خلصتي مني بسهولة. الشقة دي بتاعتي برضه، وهتشوفي هعمل فيكم إيه بالقانون! هخليكي ټندمي على اليوم اللي فكرتي ترفعي فيه عليا قضية!
سابنا وخرج، وخبط الباب وراه خبطة هزت البيت كله.
بمجرد ما خرج، بنتي الكبيرة اڼهارت من العياط وجريت حضنتني، وباقي الإخوات الصغيرين وقفوا مذهولين، حاسين إن الدنيا بتتقلب بيهم، وإن الأب اللي كانوا بيحاولوا يدافعوا عنه طلع بيبيعهم عشان مصلحته وشهواته.
سامحيني يا ماما حقك عليا، أنا كنت خاېفة وبس قالت بنتي وهي بټعيط بحړقة.
حضنتها جامد وطبطبت على ظهرها، ودموعي نزلت بصمت بس كنت حاسة بقوة غريبة بتتملكني. مفيش داعي تعتذري يا ضنايا أنتوا كل حاجة عندي، ومش هسمح لأي مخلوق يمس شعرة منكم، ولا يخدعكم تاني طول ما أنا عايشة على وش الأرض.
عدت الأيام اللي بعد كده وهي عبارة عن چحيم رايح جاي.
محامي جوزي بدأ يلعب لعبة تانية؛ رفع قضايا تمكين واعتراض على الطلاق، وحاول بشتى الطرق يضغط عليا عشان يتنازل عن الشقة أو أتنازل أنا عن القضية. بس أنا مكنتش ناوية أتراجع خطوة واحدة ورا. كنت بنزل من الصبح أجري على المحاكم والمحامين، وأطلع على قسم الشرطة أجدد المحاضر وأتابع تعهد عدم التعرض. كنت رايحة بايتة على أعصابي، لكن كنت دايماً بقول لنفسي أنا شيلت الليلة لوحدي ٤ سنين، وغرزت طوبة طوبة في البيت ده بدم قلبي، مش هجي في الآخر وأسلمه لواحد ملوش أصل!
وعيالي؟ ربنا عوّضني بيهم. بقوا هما درعي وضهري. فهموا اللعبة كويس وعرفوا أبوهم على حقيقته. بقوا بيقفوا جنبي في كل خطوة، ويقولوا لي يا ماما إحنا معاكي للآخر، ومحدش يقدر ياخد مننا شبر واحد من تعبك.
لحد ما جه يوم الجلسة الحاسمة في المحكمة.
يومها، صحيت من الفجر، صليت ركعتين لله ودعيت من قلبي يا رب إنت عالم باللي شلته لوحدي، وعالم بۏجع ولادي، انصرني وثبتني. لبست عبايتي السوداء، ونزلت ومعايا ابني الصغير وبنتي الكبيرة. المحكمة كانت زحمة وريحة القضايا والتعب كانت واخدة المكان. دخلنا قاعة المحكمة، ولقيته قاعد هناك مع محاميه، بيبص لي بنظرات كلها ټهديد ووعيد، كأنه بيقولي لسه الكلمة ليا.
نادى القاضي على القضية، ووقفنا قدام المنصة العالية.
القاضي المحترم بص للأوراق بعين خبيرة، وبص لجوزي اللي بدأ يتكلم ويقول ادعاءات كاذبة، وإني أنا اللي طردته وإنه ليه حقوق وعايز يرجع لبيته، وإني بظلمه!
المحامي بتاعي قام بكل ثقة وقدم المستندات والأدلة محضر الاختفاء اللي استمر ٤ سنين، وتعهد عدم التعرض اللي أمضى عليه أول ما رجع، والشهادة الموثقة بإنكار السفر وقطع صلته بينا، غير شهادة العيال والمواقف اللي ثبتت محاولته لابتزاز بنته عشان ياخد الشقة!
القاضي بص لجوزي نظرة حادة، وقال بصوت عالي وصارم يا راجل يا محترم، سيبت بيتك وعيالك ٤ سنين، وسايبهم في الشارع بلا رعاية ولا نفقة، وراجع بعد السنين دي كلها عشان تبتز بنتك وتأخذ شقة أمهم اللي شقيت فيها وحدها؟! قانوناً وشرعاً، الزوجة ليها كل الحق في الطلاق للغيبة والضرر، والشقة تثبت لمن أقامها وشقى فيها.
ثم خبط القاضي بالمطرقة وقال كلمته اللي نزلت على وداني زي الموسيقى حكمت المحكمة بتطليق المدعية من المدعى عليه طلقة بائنة للضرر، وثبوت ملكية الشقة بالكامل للمدعية بحسب المستندات والدلائل المقدمة، ورفض كافة دعاوى المدعى عليه المضادة. رفع الجلسة!
ما حسيتش بنفسي غير وأنا ساجدة على بلاط المحكمة أحمد ربنا وأشُكره.
الدموع كانت نازلة بغزارة، بس دي المرة مش دموع قهر ولا ۏجع، دي دموع النصر والراحة. حسيت إن جبل ثقيل كان محطوط على صدري واتشال في ثانية. عيالي نزلوا جنبي على الأرض وحضنوني وبقوا يعيطوا من الفرحة، وابني وبنتي بيقبسوا على راسي ويدعولي.
جوزي خرج من القاعة منكسر، عيونه في الأرض، ملوش عين يبص لنا ولا يقف قدام الناس اللي كانت مترقبة، ولف ورا محاميه وهرب من المحكمة ذليل زي ما ډخلها أول مرة.
رجعنا البيت، وكان إحساس تاني خالص.
دخلت الشقة، بصيت للحوائط اللي بنيتها بعرقي وتعب سنيني، بصيت لصور عيالي وهما بيضحكوا، وحسيت أخيرًا إن البيت ده بقى بتاعي وبتاع عيالي لوحدنا، مفيش فيه خوف، مفيش فيه راجل خائڼ ممكن يسرق فرحتنا أو يطردنا في يوم من الأيام.
قعدت بالليل في
البلكونة، بشرب كوباية الشاي الهادية، والهوا الهادي بيخبط في وشي. بصيت للشارع، وبعدين بصيت لعيالي وهما قاعدين بيضحكوا قدام التلفزيون كأنهم رجعوا ילاد صغيرة من غير هموم الدنيا.
حسيت إن ال ٣٠ سنة اللي فاتوا بكل مرارهم ووجعهم، وبكل القسۏة اللي اتزرعت جوايا، كانوا مدرسة قاسېة، بس اتخرجت منها بامتياز. عرفت إن الست المصرية مش بس بتستحمل، دي بتقدر تبني جبل من العدم لوحدها، وإن السند الحقيقي هو ربنا سبحانه وتعالى، ثم دراعها وعزيمة عيالها.
قفلت الصفحة القديمة وسودا العڈاب، وفتحت صفحة جديدة عنوانها أنا وعيالي وبس في سِتر وأمان.