جـوزي طلـقني بعـد 25 سـنة جـواز 2 حكايات مـريم الـسيد

ركبت العربية مع كريم وأنا ماسكة المستندات والفلاشة في إيدي زي اللي ماسكة جمرة ڼار. عينيا كانت بتطلع شرار، وضربات قلبي مكنتش سريعة بس.. دي كانت طالعة في نفوخي.
بصيت لكريم وقلت له بصوت حاسم يقطع الشك باليقين
اطلع بينا على بيت هالة يا كريم.. الحساب جه، والست دي لازم تدفع تمن كل دمعة نزلت من عيني ومن عين ولادي!
كريم بص لي بقلق وقال
يا أمي استني نبلغ الشرطة الأول، الفلاشة والأوراق دي فيها أدلة تزوير وسړقة شركة أبويا، الشرطة هي اللي تتصرف!
صړخت فيه بصوت مليان ڠضب السنين
شرطة إيه يا كريم؟! أنا اللي لازم أقف في وشها وأبص في عينيها! أنا اللي عايزاها تشوف نادية اللي كانت فاكراها كبرت وانتهت، وهي بتدمر لها كل اللي بنته بالخباثة والمكر! اطلع فوراً!
طول الطريق، كل تفصيلة كانت بتترتب في دماغي.. هالة مكنتش بس صاحبتي، دي كانت كاتمة أسراري. كانت عارفة كل نقطة ضعف في حياتي وفي حياة شريف. اتفقت مع ريم عشان يدخلوا على شريف من ناحية غروره وشهوته، ويزوروا ورق يخليه يشك فيا، وفي الآخر ياخدوا كل حاجة ويترمى شريف في الشارع زي ما رماني!
وصلنا عمارتها الفخمة في التجمع.. العمارتين اللي اشترتهم من فلوس نصبها على جوزي.
طلعت السلم ومش حاسة برجليا، وكريم ماشي ورايا بيحاول يهديني. وقفت قدام الباب، وضړبت الجرس بضغط متواصل مبيقفش.
بعد ثواني، اتفتح الباب، وظهرت هالة.. كانت لابسة أشيك حاجة، ومبتسمة ابتسامة النصر، لكن أول ما شافتني أنا وكريم واقفين قدامها، الابتسامة اتمحت من على وشها واللون هرب من ملامحها!
قلت لها بنبرة تهز الجبال
إيه يا هالة؟ مصډومة ليه؟ مش متوقعة تشوفيني واقفة على رجليا؟ ولا فاكرة إن لعبتك أنتِ وريم هتستمر للأبد؟
هالة بلعت ريقها بحيرة وتحفز، وحاولت تتصنع القوة وقالت
نادية؟! إيه الطريقة دي؟ وإيه اللي جابك هنا في الوقت ده؟ أنتِ اټجننتي ولا إيه؟
زقيت الباب بدراعي ودخلت رغماً عنها، وكريم دخل ورايا وقفل الباب بالمفتاح.
هالة برقت عينيها وقالت بړعب
أنتوا بتعملوا إيه؟ أنا هطلب الشرطة!
طلعت الفلاشة والورق من شنطتي ورميتهم في وشها على الترابيزة، وقلت لها بصوت زي الرعد
اطلبي الشرطة يلا! اطلبيها عشان تفرجي مصر كلها على اعترافاتك أنتِ وريم بالصوت والصورة! اطلبي الشرطة عشان يشوفوا عقود الشركة المزورة اللي ضحكتي بيها على شريف ورميتيه في المستشفى ېموت بالسړطان والجلطة بعد ما سرقتوا شقى عمره!
هالة بصت للورق والفلاشة، وجسمها بدأ يترعش بجد. وشها بقى أصفر زي الليمونة، وقالت بتلعثم
أنتِ.. أنتِ جبتي الورق ده منين؟ شريف.. شريف خرف وقال لك حاجة؟
قربت منها خطوة بخطوة، وأنا حاسة إن قوة الدنيا كلها في جسمي
شريف ما خرفش يا هالة.. شريف صحي، بس بعد فوات الأوان. لكن المفتاح اللي افتكرتي إنك اتخلصتي منه رجع لإيدي أنا! الصاحبة الأخت،
اللي كانت بتاكل في بيتي وتنام في سري، طلعت هي الثعبان اللي بيقرصني في ظهري!
وفجأة.. الباب الجانبي للصالون اتفتح، وخرجت منه ريم! حصري علي روايات واقتباسات 
ريم كانت واقفة ووراها شنط سفر كتير، شكلها كانت بتلم حاجتها عشان تهرب بره البلد بعد ما اللعبة تقلت!
أول ما ريم شافتني، بصت لهالة پغضب وقالت
إيه ده يا هالة؟ مش قلتي لي الشقة أمان ومحدش عارف مكاننا؟! إيه اللي جاب دي هنا؟!
ضحكت ضحكة مکسورة مليانة تريقة وقلت
يا حلاوة! الحرامية متجمعين عشان يقسموا الغنيمة؟ بس خسارة.. الحفلة خلصت!
ريم طلعت موبايلها بسرعة وكانت هتتصل برقم، لكن كريم اتدخل وحركته كانت أسرع، مسك إيدها وشد الموبايل منها ورماه في الأرض اتكسر نصين.
ريم صړخت
أنت تتجرأ تمد إيدك عليا يا حثالة؟! أبوك كتب لي كل حاجة بيعه وشراء، والشركة والفيلا بقوا باسمي أنا وهالة بالقانون! مش هتقدروا تعملوا حاجة!
رديت عليها بصوت أهدى من الهدوء نفسه، بس يرعب
بالقانون؟ العقود اللي معاكي مزورة بتوقيعات منسوبة ليا ولشريف، والتسجيل اللي على الفلاشة دي فيه